Информација

Целта на проектот „Сајбер безбедност за стари лица и тинејџери“ е да се изградат капацитети кај постарите лица и тинејџерите во Македонија нивно безбедно присуство на Интернет, од една стана, како и да се намалат негативните ефекти како што се измама, малтретирање, повреда на приватност, кражба на идентитет на која се подложни овие целни групи, од друга страна.

Проектните активности се финансиски поддржани од Амбасадата на САД во Северна Македонија.

Влијанието на проектот е одржливо и долгорочно бидејќи играта за тинејџери ќе биде достапна за употреба и за следните генерации ученици.
Модулот за сајбер безбеднос на стари лица, ќе биде достапен на Интернет и ќе може да го користат други заинтересирани лица.

Специфични цели, на кои ќе работи нашиот тим се:
– Обука на 100 стари лица (65 години +) од пензионерски заедници во Македонија за клучните елементи за безбедност на Интернет.
– Поддршка на редовните часови по информатика кои се дел од вообичаените училишни програми, со подготвена „Програма за сајбер безбедност за тинејџери“ преку вклучување на 10 училишта што ги опфаќаат сите 8 региони во Македонија.
– јакнење на вештините на 300 тинејџери за нивно безбедно присуство на интернет преку “гамифицираната“ „Програма за сајбер безбедност за тинејџери“.

Проектните активности ПЕ ќе ги спроведе во соработка со партнери – пензионерски заедници и средни училишта, кои ќе бидат вклучени во директна работа со целните групи.

Целите ќе бидат постигнати во времетраење на проектот од 12 месеци, започнувајќи од 10 август 2020 година